KSC ကညီက္ိႜဖိမုဢ္ခြါလီဿ္လံၯ တဿ္က့ၯထံဢ္လိာ္သး ၁၄ ၀ီတ၀ီ
Published on Monday, November 12, 2012
3:49 PM //
ထံလီဿ္ကီဿ္ပူၯတဿ္စီဢ္
တနံၯအံၯမ့ဿ္၀ဲ ကညီကႜိဖိလီဿ္လံၯ တဿ္က့ၯထံဢ္လိာ္သး ၁၄ ၀ီတ၀ီအံၯဒီး ကႜိဖိလဿအဖ်ိးစိ တဿ္က့ၯ ဟ့ဢ္လီၯအီၯခိဢ္ဖးအမူးတနံၯအံၯ ဂီၯခီ ၈ နဢ္ရံဢ္ဘ်ဲဢ္တုၯ ၁၀ နဢ္ရံဢ္န႔ဢ္ KSC ဘဢ္တဿ္မၯလၯက ပီၯအီၯဖဲ ကညီကီဿ္စဲဢ္ ဖါအဢ္၀့ဿ္ က၀ီၯဒ့ ၄ အပူၯန႔ဢ္လီၯ.
ကီဿ္ပယီၯပူၯ သကုၯစးဒး ကညီကႜိဖိလီဿ္လံၯတဖဢ္ က့ၯထံဢ္လိာ္အသးဒီး တဂၯဒီးတဂၯ ထံဢ္လိာ္သး ဟ့ဢ္နီၯလီၯသကိးတဿ္လဲၯခီဖ်ိတဿ္ထံဢ္အမဲာ္ညါ လဿကလုာ္အသးသဟီဢ္ ကက့ၯမၯ ဟူးထီဢ္၀းထီဢ္က့ၯ၀ဲအဂီဿ္ မၯ၀ဲမူးအ၀ဲအံၯန႔ဢ္ ပွၯလဿအပဿဆွဿတဿ္လဿ မူးကကဲထီဢ္လိဢ္ထီဢ္ တဂၯ စံးဘဢ္၀ဲ ခ့ဢ္အဲးစံဢ္လီၯ.
“လဿလီဿ္က၀ီၯသကုၯစးဒးအပူၯ ကႜိဖိလီဿ္လံၯတဖဢ္ က့ၯထံဢ္လိာ္က့ၯအသးလဿ မူးအပူၯဒ္အံၯန႔ဢ္ ဒူသ၀ီ အတဿ္အိဢ္သးသ့ဢ္ညါဘဢ္လိာ္သးလဿ တဂၯဒီးတဂၯန႔ဢ္လီၯ. မ့ဿ္၀ံၯဒီး ပကညီတံၯသကိး ကဒဲကဒဲတဖဢ္ က့ၯထံဢ္လိာ္အသးဒ္အံၯ သးခုဒိဢ္မးလီၯန႔ဢ္” စံး၀ဲဒဢ္လီၯ.
ဒ္န႔ဢ္အသိး KSC အံၯ ဖဲ ၂၀၁၁-၂၀၁၂ တဿ္မၯလိနံဢ္အဂီဿ္ လဿ ဖႜဿ္စိမိၯကႜိဖိတဿ္ဒိးစဲးအပူၯ ကႜိဖိ မုဢ္ခြါလဿ အဖ်ိးစိ ၄၇ ဂၯအံၯ ဘဢ္တဿ္မၯလၯကပီၯအီၯဖဲ ယ့သဢ္ (ရိပ္သာ) အမဲာ္ညါ ကႜိဖိလဿ အဖ်ိစိ လံာ္တဘ့ဢ္ အဂၯ ၁၀ န႔ဢ္ ဟ့ဢ္လၯကပီၯ၀ဲလဿ ကႜး ခံကလးဒီး ပွၯလဿ အဖ်ိးစိ မုဿ္ဆ့ဢ္မုဿ္ ဂီၯတဖဢ္တခီ ဘဢ္တဿ္ဟ့ဢ္အီၯလဿ ကႜး တကလးန႔ဢ္လီၯ.
ကညီကႜိဖိတဖဢ္ (ရိပ္သာ) တဿ္ကူဢ္ဘဢ္ကူဢ္သ့ မူဒါခိဢ္ သရဢ္ ထိအ့ စံး၀ဲ “ခီဖ်ိတဿ္မၯလၯကပီၯ ဒ္အံၯအဖီခိဢ္ ကႜိဖိမုဢ္ခြါတဖဢ္ အတဿ္က်ဲးစဿးအံၯ မ့ဿ္ဒ္သိးတဿ္ပာ္ပနီဢ္န႔ဿ္အီၯ၀ံၯ ကႜိဖိလဿ ခံတဖဢ္ လဿအဂီဿ္ ကမ့ဿ္၀ဲ တဿ္လီၯကြဿ္လိအဂ့ဿ္န႔ဢ္”စံး၀ဲလီၯ.
တနံၯအံၯ တဿ္မၯလၯကပီၯအမူးပူၯန႔ဢ္ ကညီကီဿ္စဲဢ္ ကတိာ္ခိဢ္က်ဿဿ္ အူဇီဢ္မ့‚ တဿ္ဆဲးက်ိးဆဲး က်ဿကိတိာ္ စီၯခ့ဢ္မီဢ္မႜံး‚ လ့ဢ္မ့ဢ္အူကိတိာ္ စီၯကႜံဢ္လ့ တဖဢ္ပဢ္ဃုာ္၀ဲ၀ံၯ ကညီတဿ္လဲၯထီဢ္လဲၯ ထီပိာ္ကရဿတဖဢ္‚ ကညီကီဿ္စဲဢ္ပူၯ ကညီဂံဿ္ခီဢ္ထံး တဿ္ကရဿကရိ စံဢ္ဘံဢ္အိဢ္‚ ထံဂုၯကီဿ္ဂၯ တဿ္ကရဿကရိလဿ တမ့ဿ္ပဒိဢ္တဖဢ္ အဲန္ကႜံဢ္အိဢ္‚ ကႜိဖိမုဢ္ခြါဒီး ကမ်ဿဿ္ခဲလဿာ္ ၃၅၀ ဘ်ဲဢ္ဟဲထီဢ္ ၀ဲဒဢ္န႔ဢ္ ပသ့ဢ္ညါဘဢ္အီၯလီၯ.
ကညီကီဿ္စဲဢ္အပူၯ လဿကဖံးလိမၯဒိးဘဢ္တဿ္အဂီဿ္ အိဢ္ဒီးတဿ္ကီတဿ္ခဲအဃိ ဒ္သိးကဘဢ္လိာ္ ဖိးဒ့အဂီဿ္ မုဿ္လဿ္၀ဲဒီး ကညီကိႜဖိမုဢ္ခြါ (ရိပ္သာ) KSC အံၯ ဘဢ္တဿ္ဒုးအိဢ္ထီဢ္အီၯဖဲ ၀့ဿ္ဖါအဢ္ ဖဲ ၁၉၇၀ နံဢ္ ကညီလံာ္လဲဿ္လဿပ်ဿၯတဖဢ္ က့ၯပာ္ဖ်ါထီဢ္၀ဲဒီး စးထီဢ္ဒုးအိဢ္ထီဢ္၀ဲလီၯ.
ဖဲ ၂၀၀၂ နံဢ္ ကီဿ္ယပဢ္ ပွၯသူဢ္အိဢ္သးအိဢ္တဿ္တဖဢ္ အတဿ္မၯစဿၯအဃိ ကတီဿ္အံၯ ကႜိတဿ္သူဢ္ထီဢ္ လြံဿ္ပတီဿ္တဖ်ဿဢ္ တဿ္ဒုးအိဢ္ထီဢ္ဃာ္၀ဲအသိး အခဲအံၯ တဿ္မၯလိနံဢ္န႔ဢ္ ၉ တီၯဒီး ၁၀ တီၯ ကႜိဖိမုဢ္ခြါ ၂၇၀ ဂၯ အိဢ္ကဒုဒီး မၯလိဘဢ္၀ဲတဿ္၀ံၯ စးထီဢ္ ၁၉၉၉ နံဢ္န႔ဢ္ တဿ္စးထီဢ္၀ဲ ကညီကႜိဖိမုဢ္ခြါတဖဢ္ တဿ္က့ၯထံဢ္လိာ္သးဒီး ကႜိဖိလဿ အဖ်ိးစိတဖဢ္ တဿ္ဟ့ဢ္မၯလၯ ကပီၯအီၯအံၯ တုၯခဲကနံဢ္အံၯ ဘဢ္တဿ္မၯလၯကပီၯအီၯလီၯ.
0 ဟ့ဢ္ခီဢ္မဲလီဿ္